काठमाडौँ महानगरपालिकाको निर्णय : ज्ञानेन्द्र शाहलाई ७ लाख ९३ हजार जरिवाना (कुन शिर्षकमा कती)

गोरखा समाचार

शनिबार, चैत १६, २०८१ मा प्रकाशित

काठमाडौ‌ । काठमाडौं महानगरपालिकाले पूर्वराजा ज्ञानेन्द्र शाहलाई ७ लाख ९३ हजार जरिवाना गर्ने निर्णय गरेकाे छ ।

हिजाे राजधानीको तीनकुने क्षेत्रमा प्रदर्शन गरेका राजावादीले वातावरण प्रदूषण गरेको लगायतका शीर्षकहरुमा महानगरले सो रकम बराबरको जरिवाना गर्ने निर्णय गरेको हो ।

शुक्रबार भएको राजावादीहरुको आन्दोलनका क्रममा तीनकुने, कोटेश्वर लगायत क्षेत्रमा तोडफोड र आगजनी भएको थियो । महानगरले वातावरण तथा प्राकृतिक स्रोत संरक्षण ऐन २०७७ र काठमाडौं महानगरपालिकाको आर्थिक ऐन बमोमिज जरिवाना गराएको जनाएकाे छ ।

महानगरपालिकाले पूर्वराजा शाहलाई ८ वटा पत्र काटेको छ । पूर्वराजाको सहमतिमा शुक्रबार राजवादीले राजधानीको तीनकुने क्षेत्रमा प्रदर्शन गरेकामा फोहोरमैला गरेको लगायतका कारण देखाउँदै जरिवाना र क्षतिपूर्ति माग गर्दै पत्र काटेको हो ।

कुन शीर्षकमा कति जरिवाना ?

कोटेश्वरको सडक तथा सडकपेटीमा जथाभावी फोहोर – रु १ लाख

महादेवस्थानको सडक तथा सडकपेटीमा जथाभावी फोहोर- रु १ लाख