गाेरखा । गोरखा जिल्लाकै सर्वाधिक पुरस्कार राशी भएको ‘नवौँ गोर्खाली रनिङ कप’ फुटवल प्रतियोगिता अन्तरर्गतकाे सेमिफाइनलका दुवै खेल आज सम्पन्न भएको छ । खेल सकिए लगत्तै आयोजक हरमटारी क्लब र चाइनिज धारा फेमिली क्बल फाइनलमा प्रवेश गरेकाे छ ।
सदरमुकामको हरमटारी खेल मैदानमा जारी प्रतियोगितामा आज भएकाे पहिलो सेमिफाइनल खेलमा चाइनिज धारा फेमिली क्बलले समिचौर युवा क्लबलाई १ गाेलका बिरुद्ध ७ गाेल गरेका थिए ।
दोस्रो खेलमा आयोजक हरमटारी क्लबले लक्ष्मीबजार हर्ट क्बललाई १ का बिरुद्ध २ गाेल गरेकाे थियाे । दुवै क्लबले भाेली साेही खेलकुद मैदानमा प्रितस्पर्धा गर्ने छन् ।
प्रतियोगिताको फाइनल खेलमा बिजेता हुने समूहले ‘नवौँ गोर्खाली रनिङ कप’ फुटवल प्रतियोगिताको उपाधि जित्ने छन् भने नगद ४ लाख रुपैयासहित कप, मेडल र प्रमाणपत्र पाउने छन् ।
उपबिजेता समूहले नगद २ लाखको प्राप्त गर्नेछ । खेल यहीँ फागुन ९ गतेदेखि सुरु भएको थियाे ।