फाईल तस्बिर
काठमाडौं । आज बिहानै काठमाडौंको कमलपोखरीमा ग्याँस सिलिण्डर विष्फोट हुदाँ १४ जना घाइते भएका छन् । बिहान ८:४५ बजेको समयमा सिललण्डर विष्फोट भएकाे प्रहरीले जानकारी दिएकाे हाे ।
घाइते मध्ये ११ जनालाई अस्पताल लगिएको छ । ३ जना भने सामान्य घाइते भएका छन् । कमपाेखरीकाे सानदार म:म पसलमा ग्याँस सिलिण्डर पड्किएको काठमाडौं उपत्यका प्रहरी कार्यालयका प्रवक्ता प्रहरी वरिष्ठ उपरीक्षक शेखर खनालले बताए ।
घाइते सबै साेही म:म पसलकाे भएकाे उनले जानकारी दिए ।घाइतेमध्ये १ जनाको अवस्था गम्भीर छ । उनी उदयपुरका २४ वर्षीय संजोग मगर भएको प्रहरीले जनाएको छ । घाइतेहरुमध्ये पाँच जनालाई कीर्तिपुरको बर्न अस्पतालमा लगिएको छ ।
सिलिण्डर विष्फोटपछि घरको सिलिङ भत्किएर खसेको छ । त्यहाँ प्रहरीले खोजी कार्य जारी राखेको जनाएको छ । घटनास्थलमा नेपाल प्रहरीको विपद् व्यवस्थान टोली र मालीगाउँ प्रहरीको टोली खटिएको छ ।
