एजेन्सी । अमेरिकाको पेन्सिलभेनिया राज्यको फिलाडेल्फियास्थित रुजवेल्ट महल नजिकै मेडिकल सामाग्री ढुवानी गर्ने एयर एम्बुलेन्स विमान दुर्घटना भएको छ ।
स्थानीय समयअनुसार शुक्रबार राति तथा नेपाली समय शनिबार दिउँसो भएको दुर्घटनामा एम्बुलेन्समा परेकाे हाे । दुर्घटनामा परी एम्बुलेन्समा सवार सबै ६ र पैदल यात्री १ जना गरी ७ जनाले ज्यान गुएको अमेरिकी समाचार एजेन्सी एपीले जनाएको छ ।
मृतक सबै मेक्सिकोका नागरिक हुन् । उनीहरु सबै आफ्नो देशको नागरिक भएको मेक्सिकोका राष्ट्रपति क्लाउडिया शेनबामले समाजिक संजाल एक्समार्फत जानकारी दिएकी छन् ।
फिलाडेल्फिया शहरबाट मिसौरी राज्यका लागि उडान भरेको विमान केही समयमै अचानक आगलागी भएपछि दुर्घटना भएको हो ।
दुर्घटनामा मुख्य सडक वरपर रहेका १९ जना घाइते भएको एपीले उल्लेख गरेको छ । विमानमा ४ जना चालक दल र २ जना यात्रु आमा छोरी सवार थिए ।
