पाेखरा । टाइगर कप राष्ट्रिय तथा अन्तर्राष्ट्रिय क्लब च्याम्पियनशिपको महिलातर्फ आयोजक टाइगर ग्रुप अफ पोखराले त्रिभुवन आर्मी क्लबलाई हराएको छ ।
पोखरा रङ्गशालाको भलिबल कोर्टमा आज भएको खेलमा टाइगर ग्रुप अफ पोखरालाई आर्मीलाई ३–० को सोझो सेटमा हरायो । आयोजक टोलीले पहिलो सेट २५–१४, दोस्रो सेट २५–११ र तेस्रो सेट २५–२१ ले जितेकाे हाे ।
यसअघि हिजो खराब प्रकाशका कारण खेल स्थगित भएपछि आज फेरि खेलाइएको हो । हिजो खेल स्थगित हुँदा आर्मी २–१ सेटले अगाडि थियो ।
यस्तै टाइगर कप भलिबलको पुरुषतर्फको पहिलो खेलमा भारतको सुनिल भलिबल क्लबले साविक विजेता हेल्प नेपाल स्पोर्ट्स क्लबलाई हराएको छ ।
सुनिल क्लबले हेल्प नेपाललाई ३–१ को सेटमा हरायो । हेल्प नेपालले पहिलो सेट २५–२२ ले जिते पनि सुनिल क्लबले दोस्रो सेट २५–२३, तेस्रो सेट २७–२५ र चौथो सेट २५–१६ ले जित्यो ।
पुरुषतर्फ अहिले गण्डकी प्रदेश र नेपाल पुलिस क्लब खेल्दैछन् । त्यसपछि आर्मी र सशस्त्र प्रहरी बलको एपीएफ क्लबबीच हुनेछ । पाँचौं संस्करणको प्रतियोगिता आउँदो शनिवार माघ १९ गतेसम्म चल्नेछ ।
तस्वीर : सामाजिक सञ्जाल