एजेन्सी । टर्कीको एउटा स्की होटलमा आगलागी हुँदा कम्तीमा ७६ जनाको ज्यान गएको छ । आगलागीमा अन्य ५० जना घाइते भएका छन् ।

स्थानीय समयअनुसार बिहान ३:३० बजे राजधानी अङ्काराबाट १७० किलोमिटर उत्तरपश्चिममा रहेको बोलु शहरमा १२ तले ग्राण्ड कार्टेल नामको होटलमा आगलागी भएको बीबीसीले जनाएको छ ।

आगलागीको समयमा २३४ जना होटलमा रहेकाे पनि खबरमा उल्लेख गरिएकाे छ । टर्कीका स्थानीय सञ्चारमाध्यमअनुसार २ जनाको झ्यालबाट हाम फालेर ज्यान गएको छ ।

बाेलुको पहाडी भू-भाग स्कीइङका लागि लोकप्रिय रहेकाले यो समयमा विद्यालय बिदा परेकाले इस्तानबुल र अङ्काराबाट धेरै मानिसहरू बिदा मनाउन त्यहाँ गएका थिए ।

आगलागीको घटनाबारे अनुसन्धानका लागि भन्दै होटल मालिकसहित ९ जनालाई प्रहरीले पक्राउ गरि अनुसन्धान थालेकाे प्रहरी अधिकारीले बताएका छन् ।

लेखकबाट थप:

• गाेरखाकाे सिर्दिबासबाट २ जना महिलाकाे हेलीद्धारा उद्दार
• गोरखामा राती ९ बजेसम्म मात्र देउसी–भैलो खेल्न पाउने
• १ करोड २१ लाख रुपैयाँभन्दा बढी मूल्यको पटका बरामद
• नेपाल राष्ट्र बैंकले आतबारकाे लागि निर्धारण गरेकाे विदेशी मुद्राको विनिमयदर
• आजको मौसम : हिमाली क्षेत्रकाे केही स्थानमा हल्का वर्षा र हिमपातको सम्भावना