काठमाडाैं । खाे–खाे विश्वकपकाे फाइनलमा नेपाली पुरुष र महिला टाेली आयाेजक भारतसँग पराजित भएकाे छ ।
नयाँ दिल्लीमा रहेको इन्दिरा गान्धी इन्डोर स्टेडियममा हिजाे भएकाे पुरुषत तर्फकाे उपाधि प्रतिस्पर्धामा भारतसँग ५४–३६ अन्तरले पराजित भएको हो । पुरुषतर्फको सेमिफाइनलमा नेपालले इरानलाई ७२–२० ले हराएको थियो ।
समूह चरणमा उद्घाटन खेलमा भारतसँग पराजित भएको नेपालले त्यसपछि पेरु, ब्राजिल र भुटानलाई हराएको थियो । नेपालले क्वार्टरफाइनलमा बङ्गलादेशलाई पराजित गरेर फाइनलमा भारतसँगको भेट पक्का गरेको थियो ।
त्यस्तैगरी, नेपाली महिला टाेली ७८–४० ले पराजित भयाे । नेपाली महिला टाेली अपराजित रहँदै उपाधि नजिकै पुगेकाे थियाे । नेपाली महिला टाेलीले सेमिफाइनलमा युगान्डालाई र क्वाटरफाइनलमा इरानलाई हराएकाे थियाे ।
यस्तै नेपाली महिला टाेलीले समूह चरणकाे पहिलाे खेलमा भुटान, दोस्रो खेलमा जर्मनी, तेस्रो खेलमा श्रीलङ्का र चौथो खेलमा बङ्गलादेशलाई हराएको थियो ।