प्रतिकात्मक तस्बिर
काठमाडाै । राजधानीको ठमेलबाट अपहरणमा परेका १ जना चिनियाँ नागरिकलाई प्रहरीले सकुशल उद्धार गरेको छ । चिनियाँ नागरिकलाई अपहरण गरी लैजाँदै गरेको अवस्थामा भारतीय नम्बर प्लेटकाे सवारी साधान सहित ४ जना भारतीय नागरिकलाई पनि प्रहरीले पक्राउ गरेकाे छ ।
अपहरणमा परेका चिनियाँ नागरिकको मकवानपुरको भीमफेदीबाट हिजै उद्धार गरिएको हाे । काठमाडाैं उपत्यका अपराध अनुसन्धान कार्यालयले दिएकाे जानकारी अनुसार हिजो ठमेलबाट १ जना चिनियाँ नागरिक अपहरणमा परेको खबर आएलगत्तै उपत्यका अपराध अनुसन्धान कार्यालयले अनुसन्धान थालेको थियो ।
प्रहरीले सिसीटिभी फुटेजमा भारतिय नम्बर प्लेटमा चिनियाँ नागरिकलाई अपहरण गरेकाे देखिए लगत्तै सबै नाकामा प्रहरी परिचालन गरीएकाे थियाे ।
सम्भावित ठाउँ र नाकामा जाँच गर्दा शुरूमा गाडीका चालक र १ जना भारतीय नागरिक पक्राउ परेका र पछि जिल्ला प्रहरी कार्यालय मकवानपुरको समन्वयमा भागेका २ जनालाई पक्राउ गरिएको थियाे ।
प्रहरीले पक्राउ परेका र उद्धार गरिएका व्यक्तिको परिचय खुलाएको छैन । थप अनुसन्धानपछि विस्तृत विवरण सार्वजनिक गर्ने प्रहरीको तयारी छ ।
चिनियाँ नागरिकलाई आर्थिक लेनदेनका कारण भारतिय नागरिकहरुले अपहरण गरेकाे अनुमान गरिएकाे छ ।