काठमाडाैं । एन्फा महिला लिगमा आज शीर्ष स्थानमा रहेको सशस्त्र प्रहरीको एपीएफ क्लबले दोश्रो स्थानमा रहेको त्रिभुवन आर्मी क्लबलाई हराएको छ ।
सातदोबाटोमा रहेको एन्फा कम्प्लेक्स मैदानमा भएको खलमा एपीएफले आर्मीलाई ३–१ गोलले हराएकाे हाे ।
अन्तिम चरणमा अपराजित एपीएफ ४ खेलमा १२ अङ्कसहित शीर्ष स्थान र सामान खेलमा २ जीत र १ बराबरी गरेको आर्मी ७ अङ्कसहित दोस्रो स्थानमा छ ।
अर्को विभागीय टोली नेपाल पुलिस क्लब तालिकाको तेस्रो स्थानमा छ । बागमती युथ क्लब चौथो र अङ्कविहिन रहेको वालिङ नगरपालिका पुछारमा छ ।
अन्तिम चरणमा सहभागी ५ टोलीले २ पटक एकअर्कासँग खेल्नेछन् । त्यसपछि शीर्ष ४ टोली प्ले अफमा पुग्नेछन् ।
तस्बिर : एन्फा
