माेरङ । सहकारी ठगी प्रकरणमा मुछिएकी सार्वजनिक लेखा समितिकी सभापति ऋषिकेश पोखरेलकी श्रीमती अञ्जला कोइराला आज जिल्ला अदालत माेरङमा उपस्थित भएकी छिन् ।
गएको मङ्सिर २७ गते जिल्ला सरकारी वकिलको कार्यालयले सहकारीको झन्डै २२ करोड रुपैयाँ हिनामिना प्रकरणमा अञ्जलासहित २६ जनाविरुद्ध मुद्दा दायर गरेको थियो ।
मुद्दा दायरपछि फरार रहेकी कोइराला आज अदालतमा उपस्थित भएकी हुन् । जिल्ला अदालतका न्यायाधीश उद्धवप्रसाद भट्टराईको इजलासमा उनको थुनछेक बयान हुने गरी पेशी तोकिएको छ ।
अदालतका अनुसार बयान सकिएपछि थुनछेक बहस हुनेछ । मुद्दा लागेका २६ मध्ये १ जना पुर्पक्षका लागि थुनामा रहेका छन् भने १ जना धरौटीमा रिहा भएका छन् । बाँकी २३ जना प्रतिवादी अझै फरार रहेका छन् ।