गोरखा । गोरखाको पालुङटार नगरपालिकामा सञ्चालित बृहत निःशुल्क स्वास्थ्य शिविरमा सम्पन्न भएकाे छ । शिविरबाट ७८५ जना विरामीले उपचार सेवा लिएका छन् ।
२ दिनसम्म सञ्चालन भएको शिविरमा बिभिन्न प्रकारका स्वास्थ्य उपचार सेवा प्रदान गरिएको आयोजकले लायन्स क्लब अफ काठमाडौं दीप सेवाले जनाएकाे छ ।
शिविरमा उपचार सेवा लिएका मध्ये महिलाको पाठेघरको मुखको क्यान्सर जोखिम पहिचानका लागि गरिएको भिआइए परिक्षणका क्रममा ५ जनामा पोजेटिभ देखिएको पनि जानकारी दिएकाे छ ।
त्यस्तै शिविरमा आँखाको उपचार गराएका मध्ये ६२ जनामा मोतियाविन्दुको शल्यक्रिया गर्नुपर्ने र दाँतहरूको समस्या भएकाहरुको उपचारसहित काम नलाग्ने दाँत निकाल्ने कार्यसमेत गरिएको थियो ।
क्बलले बृहत प्रकारको शिविर आयोजना गरेर नागरिकहरूलाई स्वास्थ्य सेवा पुर्याएर महत्वपूर्ण सहयोग गरेको भन्दै पालुङटार नगरपालिकाले मेयर विवश चिन्तनले बताए ।
शिविरमा पालुङटार नगरपालिका-७ सहित तनहुँको बन्दीपुर गाउँपालिका-६ र ७ का नागरिकहरुले पनि उपचार सेवा लिएका थिए ।