काठमाडाैं । नेपाल आयल निगमले डिजेल र मट्टीतेलको भाउ घटाएको छ भने पेट्रोलको भाउ बढाएको छ । गएराति १२ बजेदेखि लागू हुने गरी डिजेल र मट्टीतेलमा प्रतिलिटर २ रुपैयाँ घटाएकाे छ भने पेट्रोलमा प्रतिलिटर २ रुपैयाँ बढेकाे हाे ।
निगमले तय गरेको नयाँ मूल्य देशभरका विभिन्न ठाउँअनुसार लागू हुनेछ । पहिलो वर्गमा पर्ने चारआली, विराटनगर, वीरगञ्ज, जनकपुर, अमलेखगञ्ज, भलवारी, नेपालगञ्ज र धनगढी क्षेत्रमा अब पेट्रोलको भाउ लिटरको १५० रूपैयाँ ५० पैसा तथा डिजेल र मट्टीतेलको १४८ रूपैयाँ ५० पैसा पर्नेछ ।
दोस्रो वर्गमा पर्ने सुर्खेत र दाङ क्षेत्रमा अब पेट्रोलको भाउ लिटरको १६१ रूपैयाँ तथा डिजेल र मट्टीतेलको १५० रूपैयाँ पर्नेछ ।
यस्तैगरी, तेस्रो वर्गअन्तर्गत पर्ने काठमाडाैं, पोखरा र दिपायल क्षेत्रमा अब पेट्रोलको भाउ लिटरको १६२ रूपैयाँ तथा डिजेल र मट्टीतेलको १५१ रूपैयाँ पर्नेछ ।
