काठमाडाैं । नेपाल प्रिमियर लिग (एनपीएल) मा विराटनगर किङ्ग्सलाई काठमाडाैं गुर्खाजले १ विकेटले हराएको छ । विराटनगरले दिएको ११८ रनको लक्ष्य पछ्याएको काठमाडाैंले १८ ओभर १ बलमा ९ विकेट गुमाएर भेटायो ।
काठमाडाैंका प्रतिक श्रेष्ठले सबैभन्दा धेरै ३९ रन बनाए । विराटनगरका कप्तान सन्दीप लामिछानेले ३ विकेट लिए । यस्तै अनिल खरेल, बसिर अहमद र क्रिस सोलले समान २-२ विकेट लिए ।
त्यसअघि टस हारेर ब्याटिङ गरेको विराटनगरले १९ ओभर ५ बलमा सबै विकेट गुमाएर ११७ रन बनायो । विराटनगरका लागि राजेश पुलामी मगरले सबैभन्दा धेरै २५ रन बनाए ।
काठमाडाैंका गेराल्र्ड इरासमसले ३ विकेट लिए । यस्तै दिपेश कँडेलले २ विकेट लिए । शाहव आलम, करन केसी र डन डाउथवेटले समान १-१ विकेट लिएका थिए ।
यो जीतसँगै काठमाडाैंले प्लेअफ पुग्ने सम्भावना कायमै राखेको छ । भोलि कर्णाली र सुदूरपश्चिमबीचको खेलमा कर्णालीको फराकिलो हार भएमा काठमाडाैंले प्लेअफमा स्थान बनाउँनेछ ।
यसअघि लुम्बिनी लायन्स, विराटनगर, पोखरा एभेन्जर्स प्रतियोगिताबाट बाहिरिसकेका छन् ।
८ टोलीमध्ये जनकपुर प्लेअफमा पुगिसकेको छ । शीर्ष ४ मा पुग्न चितवन, काठमाडाैं, सुदूरपश्चिम र कर्णाली गरी ४ वटा टोलीबीच प्रतिस्पर्धा रहेको छ ।
आजको दोस्रो खेलमा दिउँसो १ बजे पोखरा एभेन्जर्स र सुदूरपश्चिम रोयल्स खेल्दैछन् ।