काठमाडाैं । नेपाल प्रिमियर लिग (एनपीएल) क्रिकेटमा काठमाडाैं गुर्खाजले पाेखरा एभेन्जर्सलाई ६ विकेटले हराएकाे छ ।
पाेखराले दिएकाे १३९ रनकाे लक्ष्य काठमाडाैंले १४ ओभर १ बलमा ४ विकेट गुमाएर भेटायाे ।
काठमाडाैंका स्टेफेन इस्किनाजीले ६०, माइकल लेभिटले ३२ रन बनाए । पाेखराका विपिन खत्रीले ३ विकेट लिए ।
यसअघि कीर्तिपुरकाे त्रिवि क्रिकेट मैदानमा टस हारेर ब्याटिङकाे निम्ताे पाएकाे पाेखराले २० ओभरमा ८ विकेट गुमाएर १३८ रन बनायाे ।
पाेखराका रेमाेन रेफेरले नटआउट ४१, दिनेश खरेलले ३८ रन बनाए । काठमाडाैंका कप्तान करण केसी र रशिद खानले ३/३ विकेट लिए ।
याे जीतसँगै काठमाडाैंले प्लेअफकाे सम्भावना बलियाे बनाएकाे छ । काठमाडाैं ६ खेलमा ६ अङ्कसहित तालिकाकाे पाँचाैं स्थानमा उक्लिएकाे छ । पाेखरा ६ खेलमा ४ अङ्कसहित साताैं स्थानमा छ ।
एनपीएलमा आजकाे दाेस्राे खेलमा जनकपुर बाेल्ट्स र चितवन राइनाेज खेल भइरहेकाे छ ।
जनकपुर बोल्ट्स १ खेलअघि नै क्वालिफायरमा पुगिसकेको छ । चितवन पनि क्वालिफायर पुग्ने सम्भावना कायमै छ । चितवन ६ खेलमा ६ अङ्कसहित चाैथाे स्थानमा छ ।