काठमाडाैं । नेपाल प्रिमियर लिग (एनपीएल) क्रिकेटमा आज पनि २ वटा खेल हुँदैछन् । पहिलो खेलमा बिहान ९ बजेदेखी पोखरा एभेन्जर्स र विराटनगर किंग्स खेल्दैछन् ।
त्रिवि क्रिकेट मैदान कीर्तिपुरमा हुने आजको दोस्रो खेलमा दिउँसो १ बजे जनकपुर बोल्ट्स र काठमाडाैं गुर्खाज बिच हुने छ ।
एनपीएलमा अहिलेसम्म १९ वटा खेल सम्पन्न भएका छन् । सुदूरपश्चिम रोयल्स ५ खेलमा ८ अङ्कसहित तालिकाको शीर्ष स्थानमा छ ।
जनकपुरले पनि ५ खेलमा ८ अङ्क जोडे पनि रन रेटका आधारमा दोस्रो स्थानमा छ ।
काठमाडाैं ४ खेलमा ४ अङ्कसहित तालिकाको पाँचौँ स्थानमा छ । समान ४ खेल खेलेकाे पोखरा र विराटनगर १ खेलमा जीत र ३ वटामा हार बेहोरेर तालिकाको पुछारमा छ ।