काठमाडाैं । नेपाल प्रिमियर लिग (एनपीएल) क्रिकेटमा कर्णाली याक्सले पोखरा एभेन्जर्सलाई ७ विकेटले हराएको छ । पोखराले दिएको १०४ रनको लक्ष्य पछ्याएको कर्णालीले १५ ओभरमा ३ विकेट गुमाएर भेट्टायो ।
कर्णालीका लागि सबैभन्दा धेरै गुल्सन झाले अविजित ४९ रन बनाए र यस्तै चाडविक वाल्टनले ४२ रन बनाए । पोखराका विपिन कार्की र सागर ढकालले समान १-१ विकेट लिए ।
त्यसअघि त्रिवी क्रिकेट मैदानमा टस जितेर ब्याटिङ गरेको पोखरा १६ ओभर ३ बलमा १०३ रनमा अलआउट भयो । पोखराका दिनेश खरेलले सबैभन्दा धेरै २६ रन बनाए । यस्तै आन्द्रेस गाैसले २५ रन बनाए । कर्णालीका विलियम बोसिस्टोले ६ विकेट लिए । यस्तै कप्तान सोमपाल कामी, विपिन शर्मा र युनिस ठकुरीले समान १-१ विकेट लिए ।
आजको जीतसँगै कर्णाली ५ खेलमा छ अङ्कसहित चौथो स्थानमा छ भने ४ खेलमा पोखरा छैटौं स्थानमा छ ।
एनपीएलमा भोलि बिहान ९ बजे जनकपुर बोल्ट्स र सुदूरपश्चिम रोयल्स तथा दिउँसो १ बजे काठमाडाैं गुर्खाज र लुम्बिनी लायन्सबीच खेल हुनेछ ।