साँकेतिक तस्बिर
राैतहट । बारामा गढीमाईको दर्शन गरेर सिराहा फर्कँदै गरेको जीप राैतहटमा दुर्घटना हुदा ८ जनाकाे ज्यान गएकाे छ । साेही दुर्घटनामा परी अन्य ५ जना घाइते भएकाे प्रहरीले जनाएको छ ।
दुर्घटनामा परी सिरहाको अर्नामा नगरपालिका–३ बंठिया टोलका रामकुमारीदेवी महरा, रामकुमारी महरा, सकुन्तलादेवी महरा, उर्मिला महरा, लरुवतीदेवी महरा, महगीदेवी महरा, फुलमन्तीदेवी चमार र चालक श्रीकुमार यादवको ज्यान गएको प्रहरी नायब उपरीक्षक राजकुमार राईले बताए ।
साेही दुर्घटनामा परी घाइते भएका राधा राम, आर्यन राम, देवकुमारी महरा, रितिक महरा र कन्यादेवी महरालाई उपचारका लागि वीरगञ्ज पठाइएको प्रहरीले जनाएको छ ।
पूर्वपश्चिम राजमार्गअन्तर्गत रौतहटको लमाहामा गएराति बा १६च ३१६२ नम्बरको जीप दुर्घटना भएको हाे । जीप अनियन्त्रित भई रुखमा ठोक्किएको थियो ।
