काठमाडाैं । १८ वर्ष मुनिको टोलीले काभा पुरुष भलिबल क्लब च्याम्पियनशिपमा इरानले विजयी शुरूवात गरेको छ ।
त्रिपुरेश्वरमा रहेको राष्ट्रिय खेलकुद परिषद्को कभर्ड हलमा हिजो भएको दोस्रो खेलमा इरानको युवा टोलीले माल्दिभ्सको क्लब एचडीसीलाई ३–२ को सेटमा हराएको छ ।
यसअघि हिजो एचडीसीले नेपालको गण्डकी प्रदेश भलिबल सङ्घलाई ३–२ ले हराएको थियो । यस्तै हिजोको पहिलो खेलमा हेल्प नेपाल स्पोर्ट्स क्लबले गण्डकीलाई ३–१ ले हराएको थियो ।
काभा पुरुष च्याम्पियनशिपमा नेपालसहित ४ देशका ५ क्लब सहभागी छन् । ८ दिनसम्म चल्ने च्याम्पियनशिपमा कुल १४ खेल हुनेछन् । लिगमा उत्कृष्ट हुने शीर्ष चार टोली सेमिफाइनलमा पुग्नेछन् ।
लिगको शीर्ष टिमले तेस्रो तथा दोस्रोले चौथो स्थानमा लिग सकाउने टोलीसँग सेमिफाइनल खेल्नेछ । फाइनल मङ्सिर २९ गते हुनेछ ।