काठमाडाैं । नेपाल प्रिमियर लिग (एनपीएल) क्रिकेटमा जनकपुर बोल्ट्सले लुम्बिनी लायन्सलाई १ रनले हराएको छ ।
याे सहित लुम्बिनीकाे लगातार चाैथाे हार हाे । जनकपुरकाे लगातार चाैथाे जीत हाे ।
जनकपुरले दिएको १३७ रनको लक्ष्य पछ्याएको लुम्बिनीले ८ विकेट गुमाएर १३५ रन मात्र बनाउन सक्यो ।
लुम्बिनीका कप्तान रोहित पौडेले ३५ रन बनाए । जनकपुरका हर्ष ठाकरले ५ विकेट लिए । यस्तै कोशोर महतो, ललित राजवंशी र शेर मल्लले समान १-१- विकेट लिए ।
त्यसअघि त्रिवि क्रिकेट मैदानमा टस हारेर ब्याटिङ गरेको जनकपुरले ९ विकेट गुमाएर १३६ रन बनायो । जनकपुरका कप्तान अनिल शाहले सबैभन्दा धेरै ४५ रन बनाए ।
यस्तै लाहिरु मिलान्थाले २४ रन र शुभ कंसाकारले अविजित २२ रन बनाए । लुम्बिनीका अभिषेश गौतमले ३ विकेट लिए । यस्तै कप्तान रोहित पौडेल र साद बिन जफरले समान २-२ तथा सन्दीप जोराले समान १ विकेट लिए ।
जनकपुर ४ खेलमा ८ अङ्कसहित तालिकाको शीर्ष स्थानमा उक्लिएको छ । समान खेलमा लागातार पराजित लुम्बिनी अङ्कविहीन हुँदै तालिकाको पुछारमा छ ।
अहिले १ बजेदेखी सुदूरपश्चिम रोयल्स र चितवन राइनोजबीच खेल भइरहेकाे छ ।