काठमाडाैं । नेपाल प्रिमियर लिग (एनपिएल) मा विराटनगर किंग्सले रोमाञ्चक जित निकालेको छ । बुधबार कीर्तिपुरस्थित त्रिवि मैदानमा अन्तिम ओभरको सुरुवाती ५ बलमा १५ जड्दै विराटनगरले लुम्बिनी लायन्सविरूद्ध २ विकेटको रोमाञ्चक जित निकालेको हो ।
अघिल्ला दुई खेलमा पराजित भएको विराटनगरको यो पहिलो जित हो । लुम्बिनी भने आफ्नो पहिलो खेलमा पराजित भयो ।
लुम्बिनीले दिएको १९२ रनको लक्ष्य विराटनगरले ८ विकेट गुमाएर अन्तिम १ बल बाँकी छदा पूरा गर्यो ।
अन्तिम ओभरमा विराटनगरलाई जितका लागि १५ रन चाहिएको थियो । जसमा लुम्बिनीका विवेक यादवले पहिलो २ बलमा वाइड फ्याँके लगत्तै अर्को बलमा कप्तान सन्दीप लामिछाने आउट भए । दोस्रो बल डट हुँदा तेस्रो बलमा क्रिस सोलले छक्का प्रहार गरे । चौथो र पाँचौ बलमा चौका प्रहार गरेर सोलले विराटनगरलाई रोमाञ्चक जित दिलाए ।
त्यसअघि विराटनगरको जितको आधार तयार गर्न ओपनर लोकेश बमले अर्धशतक प्रहार गरे । १८औं ओभरको चौथो बलमा रेमन्ड सिमन्सको बलमा सन्दीप जोराबाट क्याच हुनुअघि उनले ७१ रन बनाए। उनले ४७ बलमा ३ चौका र ६ छक्का प्रहार गरे ।
अर्का ओपनर इस्मत अलाम भने शून्यमै आउट भएका थिए । उनी आउट भएपछि ब्याटिङमा आएका मार्टिन गप्टिलले १७ बलमा २८ रन जोडे । आठौं ओभरमा दुर्गेश गुप्ताबाट बोल्ड हुनुअघि उनले ६ चौका प्रहार गरे ।
राजेश पुलामी ४ रन र निकोलास किर्टोन शून्यमा आउट भए । दुवैलाई साद बिन जफरले दशौं ओभरको तेस्रो र चौथो बलमा लगातार आउट गरेका थिए ।
लोकेश बमसँग ८१ रनको साझेदारी गरेका बसिद अहमद ४० रनमा आउट भए । उनी १७औं ओभरमा आउट हुँदा अर्को ओभरमा लोकेश पेभिलियन फर्के। लोकेश र बसिर आउट हुँदा विराटनगरमाथि दबाब परेको थियो । १९औं ओभरमा प्रतिश जिसी ६ रनमा आउट भए पनि अन्तिम ओभरमा विराटनगरका लागि क्रिस सोलले उत्कृष्ट खेल देखाए ।
बलिङमा लुम्बिनीका दुर्गेश गुप्ताले ३ विकेट लिँदा सिमन्स र साद बिनले समान २-२ विकेट लिए । नआउट भएका थिए ।
बलिङमा विराटनगरका सन्दीप लामिछाने, इस्मत आलम र राजेश पुलामीले समान १-१ विकेट लिएका थिए ।
