काठमाडाैं । नेपाल प्रिमियर लिग (एनपिएल) मा लुम्बिनी लायन्सले विराटनगर किंग्सलाई १९२ रनको विशाल लक्ष्य दिएको छ ।
टस जितेको विराटनगरले फिल्डिङ रोजेपछि पहिले ब्याटिङ गरेको लुम्बिनीले ७ विकेटको क्षतिमा १९१ रन जोड्यो ।
लुम्बिनीका लागि कप्तान रोहित कुमार पौडेलले ४६ रन जोडे । उनले २९ बलमा ४ चौका र २ छक्का प्रहार गरे । विवेक यादवले ७ बलमा ३ छक्का प्रहार गर्दै नटआउट १९ रन जोडे ।
ओपनरद्वय आशुतोष घिरैयाले १५ रन र अर्जुन साउदले १७ रन जोडे । चौथो ओभरमा निकोलास किर्टोनबाट रनआउट हुनुअघि घिरैयाले १३ बलमा २ चौका र १ छक्का प्रहार गरे । अर्जुनले इस्मत आलमबाट बोल्ड हुनुअघि १९ बलमा ३ चौका प्रहार गरे ।
टस मुर्सले १७ बलमा १ चौका र ३ छक्काको मद्दतमा ३० रन जोडे । सन्दीप जोरा पनि रनआउटकै सिकार भए । उनले १३ बलमा १२ रन जोड्न सके ।
साद बीन जफरलाई विराटनगरका कप्तान सन्दीप लामिछानले मार्टिन गप्टिलबाट क्याच हुनुअघि १३ बलमा १५ रन बनाए ।
बने कटिङ पनि रनआउट रनआउट नै भए । उनी १९औं ओभरमा ६ रन बनाएर खेलिरहदा विवेक यादवसँग २ रन लिने क्रममा रनआउट भएका थिए ।
बलिङमा विराटनगरका सन्दीप लामिछाने, इस्मत आलम र राजेश पुलामीले समाज १-१ विकेट लिएका थिए । यस्तै लुम्बिनीका ४ ब्याटर रनआउटको सिकार बने ।
एनपिएलमा विराटनगर यसअघिका दुवै खेलमा पराजित भएको छ भने लुम्बिनीले आफ्नो पहिलो खेल खेलेको हो ।
