काठमाडाैं । नेपाल प्रिमियर लिग (एनपीएल) क्रिकेटमा चितवन राइनोजले काठमाडाैं गुर्खाजलाई ५ विकेटले हराएको छ ।
कीर्तिपुरकाे त्रिवि क्रिकेट मैदानमा काठमाडाैंले दिएको ११२ रनको लक्ष्य चितवनले १७ ओभर १ बलमा ५ विकेट गुमाएर भेटायो ।
चितवनका सन्तोष कार्कीले २८ र विदेशी खेलाडी लुक बेनकेनस्टाइनले सर्वाधिक २२ रन बनाए । काठमाडाैं गुर्खाजका शाहब आलमले सर्वाधिक ३ विकेट लिए । यस्तै गेहरार्ड इरस्मस र डान डाैथवेटले समान १/१ विकेट लिए ।
यसअघि टस हारेर ब्याटिङकाे निम्ताे पाएकाे काठमाडाैंले २० ओभरमा ९ विकेट गुमाएर १११ रन बनायो ।
काठमाडाैंका सुमित महर्जनले सर्वाधिक २९, माइकल लेभिटले २५ र डान डाैथवेटले १९ रन बनाए । चितवनका विदेशी खेलाडी सोहेल तनभिरले सर्वाधिक ५ विकेट लिए । यस्तै रिजन ढकाल, कुशल मल्ल, अमर राउटेला र लुक बेनकेन्स्टाइनले समान १/१ विकेट लिए ।
एनपीएलकाे आज दिउँसो १:१५ बजे जनकपुर बोल्ट्स र कर्णाली याक्सले खेल्दैछन् ।
