प्रतीकात्मक तस्वीर
काठमाडाैं । भक्तपुरमा स्वास्थ्यकर्मीलाई काेठामा बाेलाएर उपचार गर्न लगाएपछी बलात्कार आराेपकाे धम्की दिदै माेटाे रकम असुल गर्ने ३ जनालाई प्रहरीले पक्राउ गरेकाे छ ।
पक्राउ पर्नेमा इलामको माई नगरपालिका–१ घर भई भक्तपुरको मध्यपुर थिमि नगरपालिका–५ नयाँ थिमि बस्ने समृद्धि मगर, काभ्रेको भुम्लु गाउँपालिका–४ कोशीपारि घर भई स्वयम्भू बस्ने दीपेन्द्र दर्जी र नयाँ थिमि बस्ने वर्षा दर्जी भएकाे प्रहरी पुष्टी गरेकाे हाे ।
उनीहरूले स्वास्थ्यकर्मीलाई उपचारका लागि घरमा बोलाएर बलात्कारमा फसाइदिने धम्की दिई रकम असुलेको भन्दै प्रहरीमा उजुरी परे लगत्तै उनीहरुलाई पक्राउ गरेकाे थियो ।
पक्राउ परेकी वर्षाले घाउ ड्रेसिङका लागि भन्दै स्वास्थ्यकर्मीलाई घरमा नै बोलाएर जबरजस्ती आफ्नो शरीरकाे विभिन्न भागमा छुन लगाएकी थिइन् ।
वर्षाले कोठामा आफू एक्लै भएको बेलामा स्वास्थ्यकर्मीलाई बोलाएपछि शारीरिक सम्पर्क भएको आरोप लगाएर जबरजस्ती करणी मुद्दामा फसाइदिन्छु भन्दै डरत्रास देखाएर ८ लाख रुपैयाँ लिएको प्रारम्भिक अनुसन्धानबाट खुलेको प्रहरीले जानकारी दिएकाे छ ।