काठमाडाैं । आउँदो १५ गतेदेखि हुन लागेको पहिलो संस्करणको नेपाल प्रिमियर लिग (एनपीएल)का लागि टिकट मूल्य निर्धारण गरिएको छ ।नेपाल क्रिकेट सङ्घ (क्यान) ले साेमबार विज्ञप्ति जारी गर्दै टिकट मूल्य सार्वजनिक गरेको हो ।
उद्घाटन खेलका लागि सामान्यतर्फ ३०० र भीआईपीतर्फ ७०० रुपैयाँ टिकट मूल्य राखिएको क्यानले विज्ञप्ती मार्फत जनाएको छ ।
त्यस्तै लिग चरणका अन्य खेलका लागि सामान्यतर्फ ३०० र भीआईपीतर्फ ५०० रुपैयाँ मूल्य तय गरिएको छ । एनपीएलको प्लेअफका खेल हेर्ने दर्शकहरूले सामान्यतर्फ ५०० र भीआईपीतर्फ ७०० रुपैयाँको टिकटकाे मूल्य ताेकिएकाे छ ।
त्यस्तै, फाइनल खेलका लागि भने सामान्यतर्फ ५०० र भीआईपीतर्फ १ हजार रुपैयाँ मूल्य तोकिएको क्यानले जनाएको छ ।
खेलकाे टिकट खल्ती वालेटबाट पनि काट्न सकिने क्यानले जनाएको छ । सिजनल पासको हकमा २० प्रतिशत छुटसहित सामान्यतर्फ ४ हजार ४८० र भीआईपीतर्फ ८ हजार २४० रुपैयाँ मूल्य निर्धारण गरिएको क्यानको विज्ञप्तीमा उल्लेख छ ।
