एजेन्सी । जलवायु परिवर्तनसँग जुध्न विकसित देशहरुले गरिब देशहरुलाई वर्षेनि ३०० विलियन अमेरिकी डलर सहयोग गर्ने सहमति गरेका छन् ।
अजरबैजानको बाकु शहरमा भएको विश्व जलवायु सम्मेलन कोप–२९ मा धनी देहरुले सन् २०२५ देखि २०३५ सम्म वर्षेनि ३०० बिलियन डलर अर्थात ४०५ खर्ब नेपाली रुपैयाँभन्दा बढी रकम दिने सहमति गरेका हुन् ।
यसअघि हिजो दुई सय ५० बिलियन डलर मात्रै दिने मस्यौदा सार्वजनिक भएपछि सम्मेलन स्थलमै गरिब देशहरुले प्रदर्शन गरेका थिए । गरिब देशहरुको दबाबपछि ३३ घण्टासम्म चलेको वार्तामा धनी देशहरुले ३०० डलरमा सहमती गरेका बीबीसीले जनाएको छ ।
यो कोषमा धनी देशका सरकारले प्रत्यक्ष भुक्तानी नगरी सार्वजनिक र निजी स्रोतहरु समावेश छन् । यो कोष सही रूपमा परिचालन भएमा नेपाल जस्ता विकाशिल देशहरु लाभान्वित हुने छन् ।
यसअघि धनी देशहरुले हरेक वर्ष १ अर्ब डलर जलवायु कोषमा उपलब्ध गराउने सहमती गरेकामा त्यसको उचित परिचालन नभएको भन्दै आलोचना भइरहेको छ ।
यस्तै बाकु सम्मेलनमा कार्बन क्रेडिट खरिद–बिक्री गर्ने विश्वव्यापी बजारका नियमहरूमा पनि सहमति भएको छ । यसबाट विश्वव्यापी तापमान वृद्धिलाई कम गर्न मद्दत गर्ने नयाँ परियोजनाहरूमा थप लगानी जुटाउन सक्ने अपेक्षा छ ।
