फाईल तस्बिर

पाेखरा । राष्ट्रिय स्वतन्त्र पार्टीका सभापति रवि लामिछानेको बयान सकिएकोले तिहार लगत्तै अदालत उपस्थित गराउने तयारी कास्की प्रहरीले गरेकाे छ । जिल्ला प्रहरी कार्यालय, कास्कीका प्रहरी अधिकृतहरुले जिल्ला सरकारी वकिलको कार्यालय, कास्कीको रोहबरमा उनको बयान लिएका हुन् ।

पोखराको सूर्यदर्शन सहकारीमा बचतकर्ताले राखेको रकम अपचलन गरेको आरोपमा अनुसन्धानका लागि प्रहरीले कात्तिक २ गते लामिछानेलाई रास्वपाको केन्द्रीय कार्यालय काठमाडाैंबाट पक्राउ गरेको थियो ।

गोर्खा मिडिया नेटवर्कमा काम गर्न जाँदा आफूले ‘स्वेट शेयर’वापत आएको शेयरवापत १ करोड ८० लाख रुपैयाँ पारिश्रमिकबाट कट्टा हुने गरी त्यहाँ काम गर्न थालेको लामिछानेले वयानमा भनेकाे प्रहरी स्राेतले जानकारी दिएकाे छ ।

यता लामिछानेले सूर्यदर्शन सहकारीमा आफू शेयर सदस्य, कर्मचारी, ऋणी वा अन्य कुनै भूमिकामा नरहेको भन्दै सहकारी ठगीमा संलग्नता नरहेको जिकिर गरेका छन् ।

लेखकबाट थप:

• गाेरखाकाे सिर्दिबासबाट २ जना महिलाकाे हेलीद्धारा उद्दार
• गोरखामा राती ९ बजेसम्म मात्र देउसी–भैलो खेल्न पाउने
• १ करोड २१ लाख रुपैयाँभन्दा बढी मूल्यको पटका बरामद
• नेपाल राष्ट्र बैंकले आतबारकाे लागि निर्धारण गरेकाे विदेशी मुद्राको विनिमयदर
• आजको मौसम : हिमाली क्षेत्रकाे केही स्थानमा हल्का वर्षा र हिमपातको सम्भावना