अर्घाखाँची । जिल्लाकाे सन्धिखर्कमा प्रसादका रूपमा मासु खाएका मघ्य३५ जना बिरामी परेका छन् । सन्धिखर्क नगरपालिका–१ काे तारामार्ग निवासी दीपक केसीकाे आइतबार देउराली पूजामा प्रसादका रुपमा मासु खाएका मघ्य अहिलेसम्म ३५ जना बिरामी परेका हुन् ।

जिल्ला प्रहरी कार्यालय अर्घाखाँचीका प्रहरी नायब उपरीक्षक चक्रबहादुर मल्लले प्रसादका रूपमा मासु खाएर बिरामी हुनेको सङ्ख्या ३५ पुगेको बताए । उनका अनुसार साेमबार बिहान थप ७ जना उपचारका लागि अर्घाखाँची अस्पतालमा पुगेका छन् ।

बिरामीहरूमा झाडापखाला, बान्ता, ज्वरो, शरीर दुख्ने लक्षण देखिएको अर्घाखाची अस्पतालले जानकारी दिएकाे छ । बिरामीहरू सबैको अवस्था सामान्य रहेकाे पनि अस्पताल प्रशासनले जनाएकाे छ । चिकित्सकहरुका अनुसार ‘फुड प्वाइजन’का कारण उनीहरु बिरामी परेको हुन् ।

लेखकबाट थप:

• गाेरखाकाे सिर्दिबासबाट २ जना महिलाकाे हेलीद्धारा उद्दार
• गोरखामा राती ९ बजेसम्म मात्र देउसी–भैलो खेल्न पाउने
• १ करोड २१ लाख रुपैयाँभन्दा बढी मूल्यको पटका बरामद
• नेपाल राष्ट्र बैंकले आतबारकाे लागि निर्धारण गरेकाे विदेशी मुद्राको विनिमयदर
• आजको मौसम : हिमाली क्षेत्रकाे केही स्थानमा हल्का वर्षा र हिमपातको सम्भावना