काठमाडाैं । न्युजिल्यान्डले पहिलो पटक आईसीसी महिला टी–२० विश्वकप क्रिकेटको उपाधि जितेको छ । गएराति भएको फाइनलमा न्युजिल्यान्डले दक्षिण अफ्रिकालाई ३२ रनले हराउदै उपाधी हात पारेकाे हाे ।
न्युजिल्यान्डले दिएको १५९ रनको लक्ष्य पछ्याएको दक्षिण अफ्रिकाले २० ओभरमा ९ विकेट गुमाएर १२६ रनमात्र बनाउन सक्यो । दक्षिण अफ्रिकाकी कप्तान लौरा वोल्भार्ड्सले सबैभन्दा धेरै ३३ रन बनाएका थिए । न्युजिल्यान्डकी रोसमेरी मेयर र अमिला केरले समान ३ विकेट लिएका थिए ।
यसअघि दुबईमा टस हारेर ब्याटिङको निम्तो पाएको न्युजिल्यान्डले २० ओभरमा ५ विकेट गुमाएर १५८ रन बनाउन सफल भएका थियो । न्युजिल्यान्डकी अमिला केरले ४३ रन बनाए । दक्षिण अफ्रिकाकी नोन्कुलुलेको म्लाबाले २ विकेट लिए । प्रतियोगिताभरि १३५ रन बनाउँदै १५ विकेट लिएकी अमिला केर उत्कृष्ट खेलाडी बन्न सफल भए ।
तस्वीर : क्रिकइन्फाे