काठमाडाैं । नेपाल पुलिस क्लबले काभा महिला भलिबल क्लब च्याम्पियनसिपकाे फाइनलमा पुगेको छ । लिग चरणको अन्तिम खेलमा शुक्रबार माल्दिभ्सको घरेलु टोली पुलिस क्लबलाई ३–१ को सेटमा हराएर फाइनलमा प्रवेश गरेकाे हाे ।
पहिलो सेट २५–१२ र दोस्रो सेट २५–२१ ले जितेको पुलिसले तेस्रो सेट २१–२५ ले गुमायो । तर चौथो सेट २५–२१ ले जित हात पारेकाे थियाे ।
पुलिसको ५ खेलमा १४ अङ्क छ । नेपाल पुलिस १ खेल अगावै यसअघि नै फाइनलमा पुगेको थियो । फाइनल खेल आज हुनेछ । आज हुने फाइनल खेलमा पुलिसले उज्बेकिस्तानको हुमो भलिबल क्लबसँग खेल्ने छ ।