काठमाडाैं । अमेरिकी र नेपाली सेनाबीच आजबाट संयुक्त सैन्य अभ्यास अर्थात ‘प्यासिफिक एन्जल’ हुँदैछ ।
विपद् व्यवस्थापन तथा मानवीय सहयोगको क्षेत्रमा अनुभव आदानप्रदान गर्ने उद्देश्यले उक्त अभ्यास हुन लागेकाे नेपाली सेनाले जनाएकाे छ ।
आजदेखी सुरु हुने अभ्यास असोज ४ गतेसम्म सञ्चालनमा आउने छ । काठमाण्डौ, मकवानपुर र धादिङ जिल्लाकाे विभिन्न स्थानमा अभ्यास सञ्चालन हुने सेनाका प्रवक्ता गौरवकुमार केसीले बताए ।
अमेरिकी र नेपाली सेनाबीच सन् २०१२ देखि शुरू भएको अभ्यासको यो चौथो संस्करण हो ।
