गुल्मी । गुल्मीको छत्रकोट गाउँपालिका वडा नम्बर ५ को दलित महिला वडासदस्य पद मुक्त भएको छ ।
दलित महिला वडा सदस्यमा निर्वाचित उर्मिला आचार्य नेपालीले अन्य दलमा प्रवेश गरेकाले स्वतः पदमुक्त गरिएको निर्वाचन आयोगले जनाएकाे छ ।
नेपाली नेपाली कांग्रेसबाट वडासदस्यमा निर्वाचित भएकी थिइन् । कांग्रेस केन्द्रीय समितिले उनलाई पदमुक्त गर्न आयोगलाई गरेको सिफारिस अनुसार पदबाट हटाइएको आयोगले जनाएको छ ।
नेपाली राजनीतिक दलसम्बन्धी नियमावली, ०७४ को नियम २२ को उपनियम २ र ३ बमोजिम उनलाइ आयाेगले पदमुक्त गरीदिएकाे हाे ।