विराटनगर । २ छोरीलाई विष खुवाएर मारेकाे आराेप लागेकाे मोरङ सुन्दरहरैंचाकी १ जना महिलालाई प्रहरीले आज बिहान पक्राउ गर्न सफल भएकाे छ । बिष खुवाएर बेपत्ता भएको आशङ्का गरिएकाे अस्मिता कार्कीलाई प्रहरीले पक्राउ गर्न सफल भएकाे हाे ।
मोरङ सुन्दरहरैँचा–७ स्थित केरा बगानभित्र १ वर्षकी छोरी आईका र ३ वर्षकी छोरी अर्पणा मृत फेला परेका थिए । दुवै जनालाइ बिष खुवाए मारेर बेपत्ता भएकाे आराेपमा आमा अस्मितालाई प्रहरीले पक्राउ गरेको हो । उनलाई प्रहरीले बुधबार बिहान झापा विर्थाकमेडमा फेला पारी पक्राउ गरिएको हो ।
घटना भएको ५ दिनपछि बिर्तामोडस्थित सडकमा अस्वस्थ अवस्थामा फेला पारेका अस्मितालाई उपचारका लागि विराटनगरको कोशी अस्पताल ल्याइएको छ । मोरङ प्रहरीका अनुसार उनको शारीरिक अवस्था कमजोर छ ।
अस्मिताको उपचार सुरु गरिएको जिल्ला प्रहरी कार्यालय मोरङ प्रहरी नायब उपरिक तथा सूचना अधिकारी ज्ञानेन्द्रबहादुर बस्नेतले बताए । आमा अस्मिताले गत शुक्रबार दुई छोरीलाई सँगै लिएर हिँडेकी थिइन् । तर, दुवै छोरीको शव शनिबार दिउँसो केरा बारीमा फेला परेको थियो । आमा भने भेटिएकी थिइनन् ।