गोरखा । गोरखा सदरमुकाममा भएको तीज गीत प्रतियोगितामा सदरमुकामको गाईने स्मृति प्रतिष्ठान पहिलो हुन सफल भएको छ । लायन्स क्लब अफ गोरखाकालिकाले आयोजना गरेको तीज गीत प्रतियोगिता २०८१ मा गोरखा नगरपालिका–७ बाट सहभागी प्रतिष्ठानले अंकको आधारमा पहिलो हुन सफल भएको सचिव लक्ष्मी श्रेष्ठले जानकारी दिए ।
सोमबार गोरखा नगरपालिका–६ को रानीपोखरी परिषरमा आयोजित नगर स्तरीय प्रतियोगितामा १४ वडाबाट १९ समूहले सहभागिता जनाएको थियो ।
प्रतियोगितामा गोरखा नगरपालिका–९ को लक्ष्मीबजार महिला समुह द्धितिय र वडा नं ८ को प्रगतिशिल महिला सञ्जाल तृतिय भएको पनि सचिव श्रेष्ठले जानकारी दिए ।
त्यस्तैगरी, वडा नं ३ को प्रगतिशिल कृषि महिला समुह र वडा नं ७ को चिनारी बहुउदेश्यीय सिकाई केन्द्र सान्त्वना हुन सफल भएका थिए ।
प्रतियोगितामा प्रथम, द्वितिय र तृतिय हुनेलाई क्रमश. ४० हजार, ३० हजार र २० हजार र प्रमाण पत्र प्रदान गरिएको थियो । सान्त्वना हुने दुवै समूहलाई नगद ५–५ प्रदान गरिएको थियो ।
प्रतियोगितामा उत्कृष्ट नृत्य गर्ने १८ जनालाई सुन सहित मोतीको माला, मोवाइल, सारी, कुर्था सुरवाल, पछ्यौरी, घडी लगायतका पुरस्कार दिईएको क्लबकी सचिव लक्ष्मी श्रेष्ठले जानकारी दिए ।
कार्यक्रमलाई नेपाली काँग्रेस गण्डकी प्रदेशका संसदीय दलका प्रमुख सचेतक माननिय नन्दप्रसाद न्यौपानेले पानसमा बत्ती बालेर उदघाटन गरेका थिए ।
क्लबका अघ्यक्ष सारदा खत्रीकाे अघ्यक्षतामा भएकाे प्रतियाेगितामा गाेरखा नगरपालिकाका मेयर कृण्णबहादुर राना मगर, उपमेयर मसली मायाँ थाेकर पुन: र गाेरखा उद्याेग बाणिज्य संग गाेरखाका अघ्यक्ष कृण्णकुमार श्रेष्ठले शुभकामना मन्तब्य राखेका थिए ।
