काठमाडाैं । पेनाल्टी शुटआउटमा नेपालले भुटानलाई हराउदै २० वर्षमुनिकाे साफ च्याम्पियनशिपकाे फाइनलमा पुगेकाे छ ।

लतिपुरकाे सातदाेबाटाेमा रहेकाे एन्फा कम्प्लेक्सकाे मैदानमा आज भएकाे पहिलाे सेमिफाइनलमा नेपालले भुटानलाई पेनाल्टी शुटआउटमा ४–१ ले हराएकाे हाे ।

निर्धारित ९० मिनेटकाे समयमा १–१ गाेलकाे बराबरी भएपछि खेल पेनाल्टी शुटआउटमा पुगेकाे हाे । पेनाल्टी शुटआउटमा नेपालका गाेलकीपर जियारथ शेखले भुटानका २ जना खेलाडीकाे पेनाल्टी राेकेका थिए । त्यस्तै नेपालका राम थापा, अबिनाश स्याङ्गतान, सिमान्त थापा र जियारथ शेखले समान १-१ गाेल गरेका थिए ।

यसअघि खेलकाे ५६ औं मिनेटमा भुटानका जितसुनले गाेल गर्दै टाेलीलाई अग्रता दिलाएका थिए । तर खेलकाे ७८ औं मिनेटमा नेपालका निराजन धामीले गाेल गर्दै खेल बराबरीमा ल्याएका थिए ।

प्रतियाेगिताकाे दाेस्राे सेमिफाइनलमा भाेलि भारत र बङ्गलादेश खेल्दैछन् । फाइनल खेल आउँदाे बुधवार त्रिपुरेश्वरकाे दशरथ रङ्गशालामा हुनेछ ।

तस्बिर एन्फा

लेखकबाट थप:

• कांग्रेसका बरिष्ठ नेता श्रेष्ठको निधन
• सुन तोलामा ४३ सयले घट्याे
• साहित्य र चलचित्रका २ साधकलाई ‘दाहाल यज्ञनिधि पुरस्कार’
• असार मसान्तसम्म खपत भएको बिजुलीमा भ्याट नलाग्ने
• नेपाल राष्ट्र बैंकले मंगलबारकाे लागि निर्धारण गरेकाे विदेशी मुद्राको विनिमयदर