विराटनगर । झापामा नाबालिकालाई सामूहिक बलात्कार गरेको आरोपमा प्रहरीले ६ जना पक्राउ परेकाे छ । एकै रात छुट्टाछुट्टै स्थानमा लगी ति बालिकालाई बलात्कार गर्ने मघ्ये ६ जनालाई प्रहरीले पक्राउ गरेकाे छ । अन्यकाे खाेजी भइरहेकाे प्रहरीले जनाएकाे छ ।
पक्राउ पर्नेमा अर्जुनधारा नगरपालिका–५ का १९ वर्षीय अनिष लिम्बू, अर्जुनधारा–८ का ३४ वर्षीय सरोज राई र २५ वर्षीय केशव मगरलाई पक्राउ गरेको छ ।अर्जुनधारा नगरपालिका–७ का लंका राजवंशी, २० वर्षीय सुदीप श्रेष्ठ, सुजन डाँगी रहेकाे प्रहरीले पुष्टी गरेकाे हाे ।
घटनामा संलग्न अन्य १ जना फरार रहेकाले उनकाे खाेजी भइरहेकाे प्रहरीले जानकारी दिएको छ । घटना शुक्रबार रातिको हो । बालिकाले शनिबार जाहेरी दिएपछि प्रहरीले घटनामा संलग्न मध्ये ६ जनालाई पक्राउ गरेको हो ।
प्रहरीका अनुसार अर्जुनधारा नगरपालिका-८ को नयाँ बजारमा हटिया लाग्ने स्थानको फलैँचा र त्यसपछि होटलमा लगेर नाबालिकालाई बलात्कार गरिएको थियाे । घुम्न जाने बहानामा ति नाबालिकालाई राति करिब ८:३० बजे हटिया र ११ बजे होटल लगेर बलात्कार गरेकाे प्रहरी अनुसन्धानमा देखिएकाे प्रहरीले जानकारी दिएकाे छ ।
पीडितको स्वास्थ्य अवस्था सामान्य रहेको र पक्राउ परेकाविरुद्ध जबरजस्ती करणी मुद्दा दर्ता गरी अनुसन्धान सुरु गरीएकाे प्रहरीले जनाएकाे छ ।