जनकपुर । महोत्तरीको रमौलमा बिहे भएको ३ महिनामै १ जना युवतीको शंकास्पद मृत्यु भएको छ । मृत्यु हुनेमा महोत्तरीको जलेश्वर नगरपालिका–८ रमौलकी २० वर्षीया रिना देवी राय भएको प्रहरीले पुष्टी गरेको छ ।
माईतीबाट मंगरबार घर आएकी रिनाको सोही रात मृत्यु भएको थियो । माइतपक्ष भने दाइजोको निहुमा पति रोहनकुमार राउतसहित ससुरा सहितले हत्या गरेको भन्दै किटानी जाहेरी प्रहरीमा दिएको छ ।
घरपरिवारले भने अचानक बिरामी भएर अस्पताल उपचार गराउदा मृत्यु भएको जानकारी प्रहरीलाइ दिएको जिल्ला प्रहरी कार्यालय महोत्तरीका प्रहरी नायब उपरिक्षक एवं सूचना अधिकारी सन्तुलाल जयसवारले जानकारी दिए । उनले प्रहरी पुग्दा रिनाको शव घर भित्रै रहेको पनि बताए ।
सूचना अधिकारी जयसवालले माईती पक्षले रिनाको मुखबाट रगत आएको र घाँटीमा निलडाँम देखेको बताए संगै अहिले रिनाको शव परीक्षणको लागि प्रादेशिक अस्पताल जनकपुरमा राखिएको बताए ।
उनको मृत्यु भएको वा हत्या भएको भन्ने कुरा पोस्टमार्टम पश्चात मात्र भन्न सकिने जयसवारको भनाइ छ । प्रहरीले घटना सामान्य भएको कसैलाई पनि पक्राउ गरेको छैन ।
