गोरखा । बारपाक सुलिकोट गाउँपालिका–२ को बारपाक निवासी मनध्वज भन्ने अविनास घलेलाई गोरखा जिल्ला अदालतले पुर्पक्षका लागि कारागार चलान गरेको छ ।

घलेले ‘आ कुमारी’ नाम परिवर्तनकी २३ बर्षिया महिलाको फेक फेसबुक अकाउन्ट बनाएर अश्लिल भिडियो र तस्बिर राखी बेईज्ज गरेको भन्दै गोरखा प्रहरीले पक्राउ गरी मुद्वा चलाएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।

पिडित मार्फत किटानी जाहेरी परे लगत्तै गोरखा प्रहरीले घलेलाई बैशाख २८ गते पक्राउ गरी ३० गते बिद्युतीय कारोबार ऐन, २०६३ अन्तरर्गत मुद्वा दर्ता गराएको थियो ।

प्रहरीले लामो अनुसन्धान पश्चात जिल्ला सरकारी वकिलको कार्यालयको राय सहित जेठ २२ गते मंगलबार गोरखा जिल्ला अदालत पेश गर्दा पुर्पक्षका लागि कारागार चलान गरेको सूचना अधिकारी श्रेष्ठले जानकारी दिए ।

लेखकबाट थप:

• सुन ताेलामा ४८ सयले घट्याे
• आज कुशे औँसी
• नेपाल राष्ट्र बैंकले शुक्रबारकाे लागि निर्धारण गरेकाे विदेशी मुद्राको विनिमयदर
• चितवनमा इभी कारमा आगलागी, चालकको मृत्यु, पहिचान हुन सकेन
• आजकाे माैसम : देशभर मनसुनी वायुको प्रभाव कायमै, केही स्थानमा भारी वर्षाको सम्भावना