गोरखा । नाबालिका बलात्कार आरोपमा गोरखा प्रहरीले १ जना पुरुषलाई पक्राउ गरेको छ । पक्राउ पर्नेमा भिमसेन थापा गाउँपालिका–२ तान्द्राङका ४५ बर्षिय भगिरथ भन्ने कृण्णप्रसाद सोडारी भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।
उनका अनुसार पक्राउ परेका सोडारीले स्थानिय १६ बर्षिया बालिका ‘ई कुमारी’ नाम परिवर्तनलाई बलात्कार गरेको आरोपमा पक्राउ गरीएको हो ।
जेष्ठ १६ गते ५ः३० बजेको समयमा घाँस काट्न गएकी नाबालिकालाई डर–त्रास तथा धाक–धम्की देखाई बारी नजिकै रहेको गोठमा लगी जबरजस्ती करणी गरेको भन्दै पिडित बालिकाको आफन्तको उजुरी परे लगत्तै सोडारीलाई सोही दिन प्रहरीले पक्राउ गरेको थियो ।
पक्राउ परेको सोडारीलाई जेठ १७ गते बिहीबार जबरजस्ती करणी शिर्षक मुद्वा दर्तागरी गोरखा जिल्ला अदालतबाट अनुसन्धानका लागि म्याद थप गरी प्रहरीको हिरासतमा राखेर अनुसन्धान थालेको सूचना अधिकारी श्रेष्ठले जानकारी दिए ।