गोरखा । गोरखा बजारमा गएको बैशाख २६ गते परेको चट्याङमा परी पिडित भएकी महिलालाई टोल बिकास समितिले आर्थिक सहयोग उपलब्ध गराएको छ ।
गोरखा नगरपालिका–८ को पैरेनी खोला क्षेत्रमा चट्याङ पर्दा सुनमायाँ बिकको २ बाख्रा मरेका थिए । ५ वटा बाख्रा रहेको खोरमा अचानक परेको चट्याङले उक्त क्षती पुर्याएको थियो ।
घटनाको २ साता पछी विक रहेको नजिकैको गोरखा नगरपालिका–६ को अस्पताल टोल बिकास समितिले आज शनिबार आर्थिक सहयोग उपलब्ध गराएको स्थानिय सुमन श्रेष्ठले जानकारी दिए ।
टोल छिमेकमा बस्नेहरु स्रग आफुखुशी उठेको ८ हजार ८७० रुपैयाँ गोरखा नगरपालिका–६ का वडाध्यक्ष राजेन्द्रकुमार जोशी (दिलिप)ले एक कार्यक्रम बिच बोसेपानी धारामा हस्तान्तरण गरेको टोल बिकास समितिका अध्यक्ष कपिलप्रसाद तिवारीले जानकारी दिए ।
सफा मौसमका बिच दिउसो ३ः१८ बजे परेको चट्याङ नजिकै रहेको गोरखा अस्पतालको ल्याबमा समेत क्षती पुर्याएको थियो ।
