गोरखा । गोरखाको ओख्लेमा हिजो भएको टिप्पर दुर्घटनामा परी गंभिर घाईते भएका महेन्द्र भट्टराईलाई थप उपचारको लागि हेली मार्फत राजधानी लगिएको छ । भट्टराईलाई हिजै साँझ थप उपचारको लागि राजधानीको अन्नपूर्ण न्यूरो अस्पतालमा भर्ना गरीएको जिल्ला प्रहरी कार्यालय गोरखा प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।
उनका अनुसार बिरगञ्जदेखी उत्तरी गोरखाको आरुघाट तर्फ जादै गरेको ईट्टा बोकेको ना. ८ ख ५९३६ नम्बरको टिप्पर दुर्घटनामा परेको हो । घुमारो सडक रहेको उक्त स्थानमा २० मिटर तल खसेर सडकमा नै बजारिदा भिमसेन थापा गाउँपालिका–२ तान्द्राङ ओख्लेका ४३ बर्षिय महेन्द्र भट्टराई गंभिर घाईते भएका थिए । उनको आरुघाट स्वास्थ्य चौकीमा सामान्य उपचार पछी नेपाली सेनाको हेली मार्फत थप उपचारको लागि राजधानी लगिएको हो ।
टाउकोमा रगत जमेकोले औषधी चलाईएको र औषधीले रगत नफाँटे अप्रेशन गनुपर्ने अन्नपूर्ण अस्पताल प्रशासनले जानकारी दिएको छ ।
सोही दुर्घटनामा परी टिप्परका चालक बारा जिल्ला कलैया नगरपालिका घर भएका २१ बर्षिय रोशन यादव, बारा अमरीया घर भएका २६ बर्षका सहचालक रामविश्व पासवान र भिमसेन थापा गाउँपालिका–२ ओख्लेकी ४० बर्षिया गंगा लामिछाने सामान्य घाईते भएका थिए ।
