गोरखा । गोरखाको बारपाकमा भएको गण्डकी प्रदेश स्तरीय भलिवल प्रतियोगिताको उपाधि पुरुष तर्फ नवलपुर जिल्ला महिला तर्फ पर्वत जिल्लाले जित हात पारेको छ ।
बुधबार साँझ सम्पन्न भएको फाइनल खेलमा पुरुष तर्फ भएको खेलमा नवलपुरले स्याङ्जा जिल्लालाई हराउदै उपाधि हात पारेको हो । खेलमा नवलपुरले स्याङ्जालाई ५–३ को सेटमा पराजित गरेको हो ।
प्रतियोगितामा भने म्याग्दीले तेस्रो स्थान हात पारेको छ ।
त्यस्तैगरी, महिला तर्फको फाइनल खेलमा पर्वत जिल्लाले उपाधि उचाल्न सफल भयो । फाइनलमा पर्वत र म्याग्दीको खेल भएको थियो । पर्वतले ३–० सोझो सेटमा पराजित गरेको हो ।
महिला तर्फ भएको प्रतियोगितामा स्याङजाले तेस्रो स्थान हात पारेको छ ।
खेलमा सहभागीहरु मध्ये पुरुषतर्फ नवलपुर जिल्लाका हिमाल सुनारी सर्वोउत्कृट खेलाडी घोषित हुनुभएको अध्यक्ष बस्नेतले जानकारी दिनुभयो । त्यस्तै स्याङ्जाका सञ्जुविक्रम शाह उत्कृष्ट स्पाइकर, नवलपुरका दानवहादुर गाहा उत्कृष्ठ सेटर, म्याग्दीका देवेन्द्र बुढा उत्कृष्ट सर्भर, नवलपुरका सरोज बर्देवा उत्कृष्ट ब्लकर, स्याङ्जाका राजन दर्लामी उत्कृष्ट डिफेन्डर घोषित भएका छन् ।
महिलातर्फ पर्वतकी रीमा कुँवर सर्वोउत्कृष्ट खेलाडी, म्याग्दीकी रिञ्जना बोटे उत्कृष्ट स्पाइकर, पर्वतकी बीना फगामी उत्कृष्ट सेटर, स्याङजाकी सोइङ थापा उत्कृष्ट सर्भर, म्याग्दीकी मनिषा तिलिजा उत्कृष्ठ ब्लकर र स्याङजाकी जायरा निसा उत्कृष्ट डिफेन्डर घोषित भएका छन् ।
प्रतियोगितामा महिला र पुरुष तर्फ १०–१० जिल्लाको सहभागीता रहेको थियो । बिजयी तथा उत्कृष्ट खेलाडीहरुलाई बुधबार साँझ नै नगद पुरस्कार सहित शिल्ड, मेडल र प्रमाणपत्र प्रदान पत्र प्रदान गरिएको छ । प्रतियोगिता वैशाख १० गतेदेखि सञ्चालन भएको हो ।
प्रदेश खेलकुद परिषद गण्डकीको आयोजना तथा गण्डकी प्रदेश भलिवल संघ र जिल्ला भलिबल संघ गोरखाको प्राविधिक सहयोग एवं जिल्ला खेलकुद बिकास समितिको ब्यवस्थापनमा प्रतियोगिता भएको थियो ।