गोरखा । उत्तरी गोरखाको धार्चे गाउँपालिको प्रशासनिक भवन अलपत्र अवस्थमा रहेको छ । ठेकेदार कम्पनीले काम नगरिदिदा भवन अलपत्र अवस्थामा रहेको पालिका अध्यक्ष लक्ष्मण गुरुङले बताए ।
‘भवन बनाउन पटक पटक फोन गर्यौ अनि भेट्यौ पनि’ उनले भने ‘उप प्रधानमन्त्रीको कार्यकक्षमा ढाकेर भन्दा टाट पल्टिए भनेर पन्छन्छन् ।’ अध्यक्ष गुरुङले ठेकेदारलाई राजधानीमा नै गएर सहजीकरण गर्ने कोशिस समेत गरेको तर उसले आफ्नो धेरै ठेक्काको पैसा सरकारले रोकिदिएकाले आफुसंग पैसा नभएकोले काम अगाडी बढाउन नसकेको जबाफ दिएको बताए ।
विकोई–हेमन्त जेभी चितवनले पारेको भवनको ठेक्का सम्झौता ०७८ साल बैशाख ५ गते भएको प्रमुख प्रशासकिय अधिकृत काजीमान सुनारले बताए । ०७९ साल माघ २९ गते सम्पन्न गर्ने गरी भएको सम्झौता ०८१ साल लाग्दा पनि सम्पन्न हुन नसकेको उनले बताए ।
ठेक्का सम्झौता सकिएता पनि ठेकेदार कम्पनीलाई पालिकाले पहिलो पटक म्याद थप गरेर ०८० साल फागुन २९ गतेसम्म काम सम्पन्न गर्न अनुमती दिएको थियो । म्याद थप भएपछी भने एक पटक पनि खुट्टा टेक्न नआएको प्रमुख प्रशासकिय अधिकृत सुनारले जानकारी दिए ।
भौतिक प्रगती ७० प्रतिशत देखिएको उक्त भवन निर्माण संगै ठेकेदार कम्पनीले हालसम्म ३ करोड १४ लाख ८ हजार ८४३ रुपैयाँ भुक्तानी लिएको पनि पालिकाको लेखा शाखाले जानकारी दिएको छ ।
काममा ढिलासुस्ती गरेको ठेकेदार कम्पनीले पहिलो पटक म्याद थप गर्दा कामै गरेनन् भने दोस्रो पटकको म्याद थपको प्रकृया थालनी गरिएको अधिकृत सुनारले जानकारी दिए ।