गोरखा । गोरखाको मनास्लु पदमार्गमा आउनकाे संख्या बढन थालेकाे छ । काेराेना महामारीका कारण बन्द भएकाे उक्त मार्गमा आउने बिदेशी पर्यटककाे संख्यामा बढाेत्तरी हुदै गएकाे मनास्लु संरक्षण क्षेत्र आयोजना कार्यालय (एमक्याप)का प्रमुख सन्तोष शेरचनले जानकारी दिए ।
गएको साउनदेखी चैत्र महिनाको अवधिमा मात्रै उक्त पदमार्गमा ८ हजार ४५४ जना विदेशी पर्यटकहरु भ्रमणका लागि पुगेको छ । आयाेजनाकाे कार्यालयले उपलब्ध गराएकाे तथ्यांक अनुसार चैत्र महिनामा मात्रै १ हजार ८२८ बिदेशी पर्यटकले मनास्लु पदमार्गको भ्रमण गरेको छ ।
उक्त पदमार्गमा भ्रमणहरुमा तेस्राे देशका पर्यटक अत्याधिक रहेको कार्यालयको तथ्याङ्कमा देखिन्छ । उक्त अवधिमा मनास्लु क्षेत्रमा पुग्ने सार्क राष्ट्रका १५२ जना रहेका छन् भने ८ हजार ३०२ तेस्राे देशका पर्यटक रहेको प्रमुख शेरचनले जानकारी दिए ।
मनास्लु भ्रमण गर्ने पर्यटकमा पुरुषहरुको सङ्ख्या बढी रहेको छ । उक्त अवधिमा ४ हजार ८५३ पुरुष, ३ हजार ५९७ जना महिला र ४ तेस्राे लिङगीका पर्यटक भएकाे कार्यालयको तथ्याङ्कमा उल्लेख छ ।
अघिल्लाे २ वर्षको अवधिमा समेत उक्त क्षेत्रमा पर्यटकको सङ्ख्या बढ्दै गएको कार्यालयकाे तथ्यांकमा सहजै देख्न सकिन्छ । मनास्लु क्षेत्रमा गएको आर्थिक वर्ष २०७९-०८० मा ७ हजार ७०५ विदेशी पर्यटकले भ्रमण गरेका थिए ।
“याे वर्ष हामीले १२ हजारभन्दा बढी पर्यटक मनास्लु घुम्न आउने अपेक्षा गरेका छाै”, कार्यालय प्रमुख शेरचनले भने, “अहिलेसम्मको अवस्थालाई हेर्दा हामीले गरेको अनुमानीत आकडा पूरा हुने देखिएको छ ।”
पदमार्गकाे पुर्व तर्फ रहेकाे चुम भ्यालीमा विश्वकै विख्यात श्रृङ्गी हिमाल, राजेन र मु गुम्बाका साथै प्राकृतक छटा र बन्यजन्तु तथा पशुपंक्षीहरुकाे अवलोकन गर्न पाउनेछन् भने पश्चिम भागमा रहेकाे नुब्री भ्यालीतर्फ जाने पर्यटकले काल (कल्छुमन) ताल, विश्वभर किरल माउन्टेनको नामले परिचित आठौँ अग्लो मनास्लु हिमाल मनास्लु, वीरेन्द्र तालको अवलोकन गर्दै लार्के पास गरेर मनाङ पुग्न सक्नेछन् ।
त्यसका अलावा स्थानिय संस्कृती, भेषभूषा, खाेलानाला, बन जंगल, जडिबुट्टीका साथै कालाे भालु, हिमचितुवा, नाउर, घोरल, झारल, डाँफे, मुनाल र चौँरी तथा याँकहरु प्रत्यक्षरुमा देख्न पाउनेछन् ।