गोरखा । गोरखा सदरमुकाममा रहेका एकमात्र सरकारी क्याम्पसलाई भारतीय दुताबासले १ थान बस सहयोग उपलब्ध गराएको छ । जिल्लाकै पुरानो तथा त्रिभुवन विश्वविद्यालयको अन्तरगर्तको आंगिक क्याम्पस गोरखा क्याम्पसलाई भारतीय दुतावासले अनुदानमा बस उपलब्ध गराएको हो ।
राजधानीमा रहेको दुतावासमा आज आयोजित एक कार्यक्रमका बिच क्याम्पसलाई उपहार स्वरुप भारतीय दुतावासले बस हस्तान्तरण गरेको क्याम्पस प्रमुख नवराज पाण्डेले बताए ।
नेपाल–भारत विकास साँझेदारी कार्यक्रम अन्तरगर्त क्याम्पसलाई दुतावासले बस उपलब्ध गराएको उनले बताए । अर्थमन्त्री बर्षमान पुन ‘अनन्त’ र नेपालका लागि भारतीय राजदुत नवीन श्रीवास्तवले संयुक्त रुपमा क्याम्पसलाई बस हस्तान्तरण गरेका हुन् ।
गोरखा क्याम्पससम्म सार्वजनिक यातायातका साधन नचल्ने र हिडेर विद्यार्थीहरु क्याम्पससम्म जानुपर्ने बाध्यता रहदै आएको थियो । दुतावासले बस उपलब्ध गराएपछि अवदेखि भने क्याम्पस आउजाउमा विद्यार्थीहरुलाई सजिलो हुने उनले धारणा रहेको छ ।
‘‘यातायातको सुविधा नहुँदा विद्यार्थीहरु गोरखा क्याम्प्समा पढ्न चाहाने विद्यार्थीहरु समेत अन्यत्र क्याम्पस भर्ना हुने अवस्था थियो, क्याम्पस प्रमुख पाण्डेले भने, ‘‘बससेवा सञ्चालन भएपछि विद्यार्थीको संख्या समेत वढ्ने विश्वास लिइएको छ ।‘
भारतले गोरखा जिल्लाको स्वास्थ्य तथा शिक्षा क्षेत्रमा सहयोग स्वरुप स्कुल बस तथा एम्बुलेन्सहरु उपहार तथा स्कुल तथा कलेज निर्माण गर्दै आएको छ ।
