गोरखा । गोरखा आरुघाट गाउँपालिकाकी शारीरिक अपांङ्गता भएकी महिलालाई बलात्कार गरेको आरोपमा पक्राउ परेका १ जना पुरुषलाई गोरखा जिल्ला अदालतले पुर्पक्षका लागि कारागार चलान गरेको छ ।
अदालतले कारागार चलान गरेका ब्यक्ति आरुघाट गाउँपालिका–८ आरुपोखरी स्थित रातमाटेका ४० बर्षिय चित्रबहादुर थापा भएको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।
उनका अनुसार गएको फागुन २९ गते दिउसो १ बजेको समयमा थापाले ३२ बर्षिया ‘स कुमारी’ नाम परिवर्तनलाई बलात्कार गरेको आरोपमा पक्राउ गरीएको थियो । पिडितको आफन्तले जाहेरी दिए लगत्तै गोरखा प्रहरीले थापालाई पक्राउ गरेको थियो ।
थापालाई जबरजस्ती करणी शिर्षक मुद्वा दर्ता गरी अनुसन्धान पश्चात सरकारी वकिलको कार्यालय मार्फत राय सहित चैत्र २५ गते आइतबार अदालत पेश हुदाँ पुर्पक्षकालागि कारागार चलान गरिएको पनि सूचना अधिकारी श्रेष्ठले जानकारी दिए ।