साँकेतिक तस्बिर
मोरङ । सुन्दरहरैचा नगरपालिकाको आईतबारेमा ८ वर्षीया बालिकालाई जबरजस्ती करणी गरेको अभियोगमा ४८ बर्षिय पुरुषलाई प्रहरीले पक्राउ गरेको छ ।
बलात्कार गरेको आरोपमा प्रहरीले जिल्लाको सुन्दरहरैचा नगरपालिका–३ आईतबारे बस्ने ४८ वर्षीय साईला भन्ने जितबहादुर तामाङलाई पक्राउ गरेको पुष्टी गरेको हो ।
ती बालिकालाई भदौ १७ गते बिहान तामाङले जबरजस्ती करणी गरेको भन्ने पिडितका आफन्तले प्रहरीमा उजुरी दिए पछि प्रहरी चौकी गछियाबाट खटिएको प्रहरीहरुको टोलीले उनलाई पक्राउ गरेको मोरङ प्रहरीले जनाएको छ ।
पक्राउ परेको तामाङका सम्बन्धमा प्रहरीले आवश्यक अनुसन्धान सुरु गरेको जनाएको छ ।