खेल अगाडी श्रीलंकामा बन्द प्रशिक्षणमा नेपाली खेलाडीहरु
काठमाण्डौं । एसिया कप अन्तर्गत आज दिउँसो भारत र नेपाल बिचको खेल हुने भएको छ । खेल दिउसो ३ः१५ बजे श्रीलंकामा हुने छ ।
भारतविरुद्ध भिड्नुअघि नेपाली खेलाडीहरू कडा अभ्यासमा जुटेका छन् । भारतसँगको ऐतिहासिक खेलमा सुखद नतिजा हात पार्न खेलाडीहरू आज बिहानैदेखि अभ्यास गरिरहका छन् ।
प्रतियोगितामा अगाडि बढ्न नेपाललाई आजको खेल जित्नै पर्ने दबाब छ । यदि वर्षा बाधक बनेर खेल रद्द भएमा भने नेपाल प्रतियोगिताबाट बाहिरिने छ ।
यस पछी भने भारत सुपर ४ मा प्रवेश गर्नेछ । समूह एबाट पाकिस्तान सुपर ४ मा प्रवेश गरिसकेको छ ।
भारतसँगको ऐतिहासिक खेलअघि नेपाली क्रिकेट टोलीका प्रशिक्षक मोन्टी देसाईले आफ्नो टोलीको सपना साकार हुन गइरहेको बताएका छन् । उनले नेपाली क्रिकेटको हरेक पुस्ताको सपना थियो कि एक दिन ठूला देशसँग खेल्ने त्यो आज पुरा हुँदैछ भनेका छन् ।
नेपाली टोलीको पहिलो खेल पाकिस्तानसँग थियो । त्यो खेल पाकिस्तानले २३८ रनले जितेको थियो ।
भारतको पहिलो खेल पनि पाकिस्तानसँग भएको थियो । भारत संगको खेलमा वर्षाले रद्द भएपछी दुवै टोलीले
१–१ अंक बाँडेका थिए ।
नेपाल र भारतबीचको खेलमा पनि वर्षा हुने अनुमान छ ।