एजेन्सी । थाइल्यान्डका पूर्वप्रधानमन्त्री थाक्सिन सिनावात्रा १५ बर्षपछि स्वदेश फर्किएका छन् । उनी १५ वर्षको स्वनिर्वासनपछि आज बिहान स्वदेश फर्किएका हुन् ।
थाक्सिन सिंगापुरबाट निजी विमान चढेर बिहान डन मुआङ विमानस्थलमा उत्रिएको बीबीसीले जनाएको छ ।
थाइल्यान्डमा सन् २००६ मा भएको सैन्य ‘कु’ बाट उनी सत्ताच्युत भएका थिए । संयुक्त राष्ट्र सङ्घलाई सम्बोधन गर्ने तयारीका लागि न्युयोर्क पुगेका बेला सेनाले सत्ता कब्जा गरेको थियो । त्यसपछि उनी स्वनिर्वासनमा बस्दै आएका थिए ।
उनले लामो समय दुबईमा बिताएका थाक्सिनमाथि विभिन्न आपराधिक आरोप लागेका छन् । स्वदेश आइपुगेका उनलाई प्रहरीले पक्राउ गर्न सक्ने सम्भावना पनि छ ।