गोरखा । लायन्स क्लब अफ दरौदी गोरखाको आज पद हस्तान्तरण कार्यक्रम सम्पन्न भएको छ । क्लबले आज सदरमुकामा एक कार्यक्रमको आयोजना गरी पद हस्तान्तरण गरेको हो ।
कार्यक्रममा लायन्स क्लब ३२५ आईका डिष्ट्रीक गर्भनर चन्द्रकुमार केसीले अग्रेजी बर्ष सन २०२२/०२३ का अध्यक्ष रमेश विष्टबाट सन २०२३/०२४ का अध्यक्ष कमलनायाराण श्रेष्ठलाई ग्याबेल प्रदान गरेर पद हस्तान्तरण गराएका थिए ।
हाल गठन भएको समितिमा श्रेष्ठका अध्यक्षतामा निवर्तमान अध्यक्ष रमेश विष्ट, प्रथम–द्वितिय र तृतिय उपाध्यक्षमा क्रमश.मोहन श्रेष्ठ, रामचन्द्र पाण्डे र सुशिल अधिकारी चयन भएका थिए ।
त्यस्तै गरी सचिवमा गिरिशबावु बस्नेत र कोषाध्यक्षमा हरिराम सिं बस्नेत चयन भएका थिए ।
गोरखा नगरपालिकाका मेयर कृण्णबहादुर राना मगरको प्रमुख आतिथ्यतामा सम्पन्न कार्यक्रममा उपमेयर मसलीमायाँ थोकर पुनः, डिष्ट्रीक गर्भनर चन्द्रकुमार केसी, लायन्स ३२५ आईका पूर्व अध्यक्ष रामबहादुर बसेलले कार्यक्रममा शुभ कामना ब्यक्त गरेका थिए ।
