साँकेतिक तस्बिर
दमौली । तनहुँको मानुङमा आफ्नै श्रीमतीलाई भरुवा बन्दुकले हानेर हत्या गरिएको छ । व्यास नगरपालिका–५ मानुङमा भरूवा बन्दुकले हानेर श्रीमानले श्रीमतीको हत्या गरेको तनहुँ प्रहरीले पुष्टी गरेको हो ।
मानुङका ५६ वर्षीय श्रीप्रसाद आलेले भरुवा बन्दुकको गोली हानेर ४७ वर्षीया श्रीमती गीता आलेको हत्या गरेको जिल्ला प्रहरी कार्यालय तनहुँका प्रहरी नायब उपरिक्षक एवं सूचना अधिकारी मोहनबहादुर खाँणले जानकारी दिए ।
मंगलबार राति ११ बजे श्रीप्रसादले आफ्नै घरमा सामान्य विवाद हुदा श्रीमतीलाई गोली हानेका थिए । गोली लागेर घाइते भएकी गीतालाई उपचारको लागि दमौली अस्पताल ल्याइएकोमा उनको राति १२ बजे मृत्यु भएको थियो ।
घटना लगत्तै प्रहरीले श्रीप्रसादलाई पक्राउ गरेको छ ।